مشکل کیسے آسان ہو گی؟

(Abu Yahya ابویحییٰ)

اس دنیا میں انسانوں کے لیے سب سے بڑی مشکل یہ ہے کہ وہ مشکلات کا سامنا کرتے ہوئے پریشان ہوجاتے ہیں۔ تاہم یہ ایک حقیقت ہے کہ اس دنیا میں مشکلات سے بچناممکن نہیں ہے۔ مشکلات ان دو بنیادی چیزوں میں سے ایک ہے جن کا اس دنیا کے ہر انسان کو سامنا کرنا پڑتا ہے۔ دوسری چیز آسانیاں ہیں جو ہر انسان کو پسند ہیں۔

سوال یہ ہے کہ اس مسئلے کا کیا حل ہے۔ ہمارے اس مسئلے کا حل بہت سادہ ہے۔ وہ یہ کہ مشکلات کے بارے میں خدا کا منصوبہ سمجھا جائے۔ مشکل خدا کی اسکیم میں دو مقاصد کی تکمیل کے لیے ڈالی گئی ہے۔ ایک یہ کہ عام حالات اور آسانیوں میں انسان کا ذہن پوری طرح فعال نہیں ہوتا۔ لیکن جب مشکل آ جاتی ہے تو انسان کا ذہن، دیگر اعضا کے ساتھ پوری طرح فعال ہوجاتا ہے۔ چنانچہ جو انسان مشکلات میں پریشان ہونے کے بجائے انھیں خدا کی اسکیم کا حصہ سمجھ کر بطور چیلنج لیتے ہیں، وہ اپنے ذہن اور صلاحیت کو استعمال کرتے ہیں۔ یہ صلاحیت ہر مسئلے کا کوئی نہ کوئی حل نکال دیتی ہے۔ جس کے بعد انسان بڑی بڑی کامیابیاں حاصل کرتا ہے۔ چنانچہ مشکلات کو چیلنج سمجھنا ہی مشکلات سے نکلنے اور زندگی میں کامیابی کا راز ہے۔

مشکل کا دوسرا مقصد یہ ہے کہ انسان آسانی میں خدا فراموش ہوجاتا ہے۔ یہ مشکل ہے جو انسان کو خدا سے قریب کرتی ہے۔ انسان جو مقام بڑی سے بڑی عبادت سے حاصل نہیں کرسکتا وہ مشکل پر صبر کرنے اور اسے حوصلے کے ساتھ جھیلنے کے نتیجے میں حاصل کر لیتا ہے۔ اس بات کو سمجھنے کی اس لیے بھی اہمیت ہے کہ انسان ہر حال میں ہر مشکل کا حل نہیں نکال سکتا۔ لیکن جب وہ صبر کرتا ہے تو آخرت میں بڑے اجر کا حقدار ہوجاتا ہے۔

چنانچہ مشکل آنے پر گھبرانا نہیں چاہیے۔ مشکل دراصل دنیا اور آخرت کی بھلائی کا نام ہے۔

http://www.inzaar.org

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s